VII Xornada de Ciencia en Galego

Que equipazo!

Hoxe, 20 de decembro, ás portas do merecido descanso, celebramos -por sétimo curso consecutivo-, a nosa XCG.

Como lle pegan, estes de 6º!

Non é que estuden a célula só, é que fan unhas maquetas que queda un abraiadiño do que traballa esta rapazada e da maña que teñen. Pasamos por unha das aulas e tiramos a correr un par de fotos para que vexades.

Pero que fas aí parado/a? A youtubear!

Unha nova que ha ser do voso interese: sabiades que se pendurades do Youtube vídeos en galego, podedes gañar 1.000 eurazos?! Explícase no vídeo que vén a continuación.

O Whatsapp non é ético, pásate a Galegram

Bo día.

Se tendes Whatsapp, este ano tivestes que aceptar un cambio nas cláusulas do contrato para poderes seguir facendo uso do mesmo. Entroutras cousas, o que fixestes é dar permiso a Whatsapp para que comparta a información privada dos vosos contactos con Facebook. Isto, ao noso xeito de ver, non somos entendidos en leis, é unha ilegalidade que vulnera a lei de protección de datos pois ti (si, ti) estás entregando a información persoal dos teus amigos e familiares a unha empresa, para que á súa vez lla pase a outra, sen premiso desas persoas que tes nos contactos. Quen che dá dereito a facer semellante cousa?

Chega unha das superlúas do século

Botádelle un ollo a este artigo do portal de ciencia en galego, GCiencia!

Vocabulario de Química

Achegamos un vocabulario galego-español-inglés para que poidades procurar todas as dúbidas que teñades de como nomear os conceptos do ámbito da química en galego. Ao final do documento tendes a listaxe dos termos, tanto en inglés como en español, por se os queredes buscar nestas linguas, para achar a forma correcta na nosa lingua. Agardamos que lle tiredes proveito.

Entrega de premios do Samaín

Como comentabamos na entrada anterior, a rapazada escolleu as mellores cabazas. Logo o alumnado do EDLGal aínda elixiu as que lles parecían mellores de entre esas e, cando estivo todo listo, fixemos unha entrega de premios. Como se pode ver nas fotos, os diplomas e agasallos están en boa parte feitos polos mozos e mozas que forman o EDLGal. Un rapaz e unha rapaza dos que máis horas lle botaron á realización dos agasallos foron os encargados de iren polas aulas entregando os premios e felicitando os premiados.

Xa está aquí o Samaín 2016

Pois si, ho, que xa está aquí outra vez o Samaín, semella que foi onte… Este ano tamén as familias e máis os cativos participaron abondosamente. De entre todas as cabazas decoradas, o propio alumnado escolleu as que consideraron mellores ou máis orixinais en cada clase, aínda que todas teñen moitísimo mérito. 

Alumnado de 4ºB recibe dous premios por unha curta.

De esquerda a dereita: Jorge, Pedro, Laura, Julia e Martín.

Jorge Barbeira, Pedro Fernández, Laura Gómez, Julia López e Martín Sanchidrián forman un dos dous equipos que decidiron participar no concurso RecCurta, organizado por Escolas Católicas como actividade para a dinamización da nosa lingua. A obra presentada, O Recordo Esquecido, foi merecedora dos premios aos mellores efectos especiais e á mellor música adaptada.

A cativada coñece a Manuel María

Deixámosvos os vídeos da rapazada de infantil, que estivo traballando a Manuel María nas aulas, como deixan mostra os seguintes vídeos. Grazas a todo aquel que participase dalgún xeito a introducir os nenos e nenas nunha cultura que é a deles/as e que teñen dereito a recibir. En especial, grazas a aqueles pais e nais que, galegofalantes ou non, galegos de orixe ou de asentamento, son conscientes da importancia de construír unha sociedade única e cohesionada ao tempo ca diversa, sen compartimentos estancos, galega toda ela, no amplísimo sentido do termo, no que collemos todos/as.